CSC-SY

إذا عندي كمبيوتر و فيه انترنت وايرليس (3g(و عندي كمبيوتر تاني بدي فوت عالانترنت بس عن طريق الكمبيوتر الاول بلي فيه انترنت ،سواء عن طريق وصلة شبكة يعني LAN أو عن طريق الواي فاي يعني لاسلكيا..
بدي تعطوني الطريقة و بالتفصيل الممل و بكون كتيــــــــــــــــــــــــــــــر ممنونة
و السلام ختام

ICS

Internet Connection Sharing

http://support.microsoft.com/kb/306126 

Or

 http://mobilesociety.typepad.com/mobile_life/2006/08/how_to_share_yo.html

هلأ أنا شفت اللينكات عالسريع يمكن فيون حل بس أنا ما دققت كتير و ما حسيت بيحللولي مشكلتي..
هلأ أنا هون بهي المشاركة أقدرت أعرف كيف منساوي شبكة بين كمبيوترين و أنقل ملفات من واحد للتاني ووقتا دلني عهالشي أخ NightWolf مشكورا"..:
http://www.csc-sy.net/node/5442

و هلأ بس بدي حدا مجرب يكتبلي هون -يعني ما بدي لينك لموقع - شو هنن الخطوات و بالتفصيل يلي لازم ساويها..
و شكرا سلفا

أول شي على الجهاز الموصول عليه مودم الـ 3g :
1- إفتح على إتصالات شبكة الإتصال
2- على أيقونة الإتصال إضغط بالزر اليمني و إختار خصائص
3- إختر صفحة مشاركة " هاي الصفحة ما بتظهر إلا إذا كان عندك أكتر من إتصال شبكة فعال على نفس الجهاز"
4- إختر مشاركة هذا الإتصال مع مستخدمي الشبكة
5- إفصل الإتصال و در إتصل مرة تانية
6- لازم تلاحظ إنو جهازك صار الـ IP تبعو هو 192.168.0.1

على الجهاز الأخر :
1- إفتح على إتصالات شبكة الإتصال
2- على أيقونة إتصال الشبكة اللي بينك و بين الكمبيوتر الأول إضغط بالزر اليميني و إختر خصائص
3-من صفحة عام إختر internet protocol (TCP/IP) و بعدها إختر خصائص من نفس الصفحة
4- من النافذة الظاهرة إختر تحديد عنوان الـ IP بشكل أتوماتيكي و رح تلاحظ إنو عنوان الـ IP للجهاز تحول للشكل *.192.168.0

و بعدها جرب الإتصال بالإنترنت من الجهاز الثاني

بس يفضل يا شريك اذا بيحط ال IP على الجهاز التاني بايدو وتجنباً للمفاجأت حطها 192.168.0.2

New look, new work, new laptop, new room, new challenges,and many new stuff It's not my birthday it's my revolution

ليش هاد ال IP بالذات؟

طيب شباب اذا انشغل الهاتف الارضي وانا عم احكي على النت بدو الواحد يشترك ب المقسم لحتى ما يبنشغل ولا كيف؟

شكرا كتيـــــــــر BlackSigma عملت تماما متل ما قلتلي
بس بعد اذنك آخر شي لما بدي فوت من الكمبيوتر التاني عالنت كيف؟
أصدي كمان بالتفصيل لأنو أكيد ما رح يفوت تلقائيا عالنت من الكمبيوتر التاني..

أنا جربت كتير بس ما عرفت..
عم استنى الطريقة و شكرا سلفا للي بيجاوبني..

المفروض يشتغل الإنترنت بعد الخطوات السابقة مباشرة
إلا إذا كنت عم تستخدم بروكسي خلال الإتصال فلازم وقتها تضيف إعدادات البروكسي ذاتها الموجودة بالجهازالأول على الجهاز الثاني
و شغلة تانية إنو لما تنفذ الخطوة الرابعة "بالنسبة للجهاز الثاني" لازم تكون متأكد إنو الجهاز الأول متصل بالإنترنت و إنو الشبكة بين الجهازين الأول و الثاني شغالة و بعدين بتنفذ الخطوة الرابعة .

انا لح قلك اخي الكريم اذا لقيت ال IP تبع كرت الشبكة لاي جهاز بين الاتنين اخد APIPA يعني الIP ببلش ب 169,154,0,0 معناتها في خلل عندك بالاعدادات
واذا لئيت كل الاجهزة اخدى 192,168,0,0 انتبه انا قصدي (أخر صفر) متغير يعني اي رقم عواض الصفر طبعا 1,2,3------- اي رقم بيكون شغلك تمام.

عملت متل ما قلتلي بس الكمبيوتر التاني عم يطلب مني اختار نوع الاتصال لما افتح صفحة الانترنت
يعني كيف بدي خليه يفهم أنو الاتصال عن طريق شبكة ال
LAN
و على فكرة أنا صرت أعمل مشاركة
و فوت من خيار لخيار
أنو عملت مشاركة ال
3g
عن طرق ال
LAN
المهم طلعلي بالكمبيوتر التاني بال
Network Connections
تحت اسم
Internet Gateway
شي اسمو
HUAWEI3G.syriatel3G on (Firstcomputername)
و لما فتت عالخصائص تبعها كتبلي
This connection allow you to connect to the Intenet through a shared connection on another computer
و لما بفوت عالانترنت من الاول
بيطالعلي الكمبيوتر التاني أنو ال HUAWEI3G.syriatel3G on (Firstcomputername)
أنو connected
بس لما بفوت عالIE تبع الكمبيوتر التاني ما بيفوت عالنت
شو الحل؟؟؟؟؟
يعني أصدي في شي لازم ضيفو بال
connection الموجودة بال Internet option
للكمبيوتر التاني؟؟؟؟؟؟؟

- أول شي إستخدم firefox بدال الـ IE "مجرد نصيحة"

- إتأكدت من عناوين الـ IP إنهون متل ما قلتلك على الجهازين ؟؟؟؟

- تاني شي على الجهاز التاني عند الخطوة الرابعة حط عنوان الـ DNS هو عنوان الـ IP للجهاز الأول " هلق هاي الخطوة المفروض تلقائيا تم بس هلق رح نجرب نعملها يدويا بركي المشكلة منها "

- شو الرسالة اللي عم تطلع لما عم تطلب صفحات الإنترنت من الجهاز التاني

اخي العزيز BlackSigma كلامك كمان مظبوط في حالة كون المطلوب هو الدخول للانترنت سلكيا يعني عن طريق ال LAN فقط والاخ السائل كاتب:

انا يلي فهمتو من هل حكي بدنا انترنت من ISP يلي هو مودم 3g بعدين بدنا نوزع انترنت على جهاز تاني اما عن طريق كبل بين الاجهزة أو استخدام ال wi-fi يعني كرت الشبكة اللاسلكي (الواضح انو لعبت Lap tops)
اذا كنت فهمان غلط بكون حكيك اخي الغالي كافي ووافي

كتب BlackSigma:

- أول شي إستخدم firefox بدال الـ IE "مجرد نصيحة"

- إتأكدت من عناوين الـ IP إنهون متل ما قلتلك على الجهازين ؟؟؟؟

- تاني شي على الجهاز التاني عند الخطوة الرابعة حط عنوان الـ DNS هو عنوان الـ IP للجهاز الأول " هلق هاي الخطوة المفروض تلقائيا تم بس هلق رح نجرب نعملها يدويا بركي المشكلة منها "

- شو الرسالة اللي عم تطلع لما عم تطلب صفحات الإنترنت من الجهاز التاني

عكلن شكرا كتير كتير BlackSigma لأنو المهم أنو صار يفوت التاني عالنت .
و كمان شكرا لكل يلي جاوبو .

كتب BlackSigma:

كتب The Lion King:

أول شي النصيحة كانت بجمل

و لساتها بجمل , يعني أنا عم إستنا تبعتلي ياه على الإيميل و إذا كنت كريم و طلع كبير شوي و ما قدرت تبعتوا على الإيميل مو مشكلة إبتعلي اللينك تبعوا و أنا ببقى بحملوا

جمل عربي أصيــــل

بس بدك تدير بالك عليه ، يعني ما بدك توصاية ..

صحيح لا تنسى بنفس اللينك تحت
في بالمالتيميديا
Hear an Arabian (dromedary) camel
يعني صوت و صورة

والجمل هو ...

New look, new work, new laptop, new room, new challenges,and many new stuff It's not my birthday it's my revolution

طيب سؤال و هالمرة جملين بدل الجمل الواحد
بالطريقة يلي ساويتا صار الكمبيوتر التاني بيفوت عالنت إذا كان الاول موصول عليه ال 3g..
في حين إذا حطينا الوصلة بالتاني صار الاول ما فيه يشاركو ..
كيف فينا نخلي العملية تبادلية ؟؟يعني أي كمبيوتر يوصل عليه الوصلة ،يقدر الكمبيوتر التاني يفوت ..
يعني نساوي الجهازين أدمينيستر إذا صح التعبير ..
و شكرا
ملاحظة: أنا ما بعرف إذا في هيك شي أو بيصير هيك شي لذلك عم أسأل و يلي بيعرف يا ريت يجاوب ..

بسيطة ....
و مسامح بالجملين
في برنامج إسمو FREE IP SWITCHER
من خلالو فينك تغير إعدادات الشبكة بكبسة زر
بتعمل بكل جهاز إعدادين واحد لما يكون موصول عليه المودم و التاني لما يكون المودم موصول عل الجهاز الثاني و ما بدك أكتر من هيك