CSC-SY

أول شي كل وعام وإنتو بخير .. وانشالله بينعاد عليكن بالصحة والسلامة ..

خطرتلي فكرة اليوم .. وكتير حابب إنو تتطبق بالمنتدى ..

ليش ما يكون في تصويت لكل موضوع بينزل بالمنتدى .. سواء كان الموضوع من تأليف صاحبو أو منقول ..

 أو تقييم للموضوع مثلا ..

يعني كل عضو بيقرأ الموضوع بيكتب تقييم صغير ورأيو فيه ..

ومنعمل زاوية ( أفضل موضوع لهالأسبوع ) مثلاً ..

أنا شايف الفكرة كتير ممكن تغير جو بالمنتدى وتعمل تفاعل أكبر ..

وممكن ينعمل تطوير صغير للموقع .. بحيث يصير التصويت بشكل نظامي ضمن الموضوع .. وما يكون ضمن الردود ..

ما بعرف .. شو رأيكن ؟؟

هاي الفكرة منتشرة بشكل كبير بالمواقع التانية على الإنترنت و برأيي هي فكرة جيدة و إذا إتطبقت بصير في إمكانية لتحديد أهمية موضوع أو فائدته مقارنة بموضوع آخر
بس .....
المشكلة بإمكانية تطبيق هلطريقة

هي فكرة أسمها Rating, وكان في نفاش من فترة على مساواة هيك شي, بس ماني متذكر ليش وقفناها, كان كمان في آلية حلوة كتير أنو الموضوع يلي بيطحش كتير بالمستوى السلبي بينحذف لحالو

فكرة حلوة اخ الاء وانا بايديك على هلا الفكرة تحياتي

كتب mpcabd:

هي فكرة أسمها Rating, وكان في نفاش من فترة على مساواة هيك شي, بس ماني متذكر ليش وقفناها, كان كمان في آلية حلوة كتير أنو الموضوع يلي بيطحش كتير بالمستوى السلبي بينحذف لحالو

وكانت موجودة سابقاً عنا بالموقع وماحدا استخدمها

أنا مع الفكرة..........يعني بتزيد مستوى التفاعل وبتساهم بفرز المواضيع بشكل آلي حسب فائدتها وقيمتها

طيب مو ضروري يكون في Rate لأفضل موضوع
المدير هو اللي بيحدد أفضل موضوع ... وين المشكلة ؟
وهيك صارت الشغلة بسيطة كتير

كتب en.karam1989:

طيب مو ضروري يكون في Rate لأفضل موضوع
المدير هو اللي بيحدد أفضل موضوع ... وين المشكلة ؟
وهيك صارت الشغلة بسيطة كتير

رأي واحد ..

ما بيعمل فرق ...

يعني أكيد المدير ما رح يحط الموضيع الي هو كاتبها أو رح يتحيز لجهة
وممكن كمان أنو الأعضاء الفعالين يرشحو الموضيع الحلوة ويقولو عليها للمدير وهو بينقي

هي الفكرة موجودة بكتير مواقع بس بحياتي ما استخدمتا .. يعني بقرا الموضوع وبطلع ما بيخطرلي أقعد قيمه .. لذلك بظن تطبيقا مارح يجيب نتيجة..

هية الفكرة حلوة .................. بس عادية

يعني مابتعمل تطوير بالموقع وبتخليه مميز بشيء عن باقي المواقع

شكرا لكل مين ساهم برأيو ..

بالنسبة إلي الموضوع انتهى ..

كتب Renwar:

كتب Mhd Shaker:

كتب Im:

هية الفكرة حلوة .................. بس عادية

 

Congratulations... u have just proved u r a normal person

اخي هو الانسان متل البني أدام بس يموت بتطلع روحو

أنا باسمع إنو الإنسان متل البني آدم بس تقطعلو راسو بيموت .

اي هاد الحكي كان زمان .... شايف التطور شو بيساوي

طبعاً أنا اعتبر مستخدم سلبي .. أكيد مارح افهما بمعنى معارض..
بس بتلاحظ إنو في كذا مستخدم تاني كانو من نفس رأيي ..

كتب BlackSigma:

كتب lool:

بس بتلاحظ إنو في كذا مستخدم تاني كانو من نفس رأيي ..

إي و أكتر منهم كانو بعكس رأيك
المهم إنو تطبيق هلميزة " إذا ما كانت بتستلزم تكلفة عالية و بغض النظر عن نوع التكلفة " ما رح يضر الموقع إذا ما تم إستخدامها , يعني مثلا عملية البحث في الموقع قد يقول عضو إني بحياتي ما إستخدمتها أو إستفدت منها بينما عدد كبير تاني إستفاد منها, الفكرة إنو وجود خيار و عدم إستخدامه "بشكل كبير" أفضل من عدم وجوده بالمرة

طالما القصة هيك .. شو رأيكن ينعمل تصويت عليها إذا في أغلبية موافقة بتتنفذ ..أحسن ما ينترك الموضوع لرأي المدراء وبعدين يتهمو بالتعسف

كتب lool:

طالما القصة هيك .. شو رأيكن ينعمل تصويت عليها إذا في أغلبية موافقة بتتنفذ ..أحسن ما ينترك الموضوع لرأي المدراء وبعدين يتهمو بالتعسف

إذا كان في نية عند إدارة الموقع بتطبيق الفكرة , ليش لأ و من الأفضل ينعمل تصويت

كتب BlackSigma:

كتب lool:

طالما القصة هيك .. شو رأيكن ينعمل تصويت عليها إذا في أغلبية موافقة بتتنفذ ..أحسن ما ينترك الموضوع لرأي المدراء وبعدين يتهمو بالتعسف

إذا كان في نية عند إدارة الموقع بتطبيق الفكرة , ليش لأ و من الأفضل ينعمل تصويت

يعني محسوم الأمر المواضيع الأقوى ( Bayrn )   

الحقيقة وبدون مزح ، مثل ما قال السيد فؤاد بما أنه نسبة التصويت رح تكون ضئيلة فما للفكرة من تأثير على الموقع