|
السلام عليكم أعضاء وزوار CSC الكرام مابيخفي على أي حدا فينا أهمية القراءة .. ومابيخفى كمان قديه أغلبنا مهملين بهالناحية والأعذار والحجج كتير منها ضيق الوقت ومنها اسعار الكتب المرتفعة وكتير أعذار تانية مابتبرر أبداً إهمالنا للقراءة اللي رب العالمين وصانا فيها وخلى اسمها مرتبط باسمنا فصرنا نحنا " أمة إقرأ " اللي مع خالص الأسف أصبحت لا تقرأ ولحتى نعيد الميزان الصح ونبني أمة واعية لازم نرجع نقرأ ومن هون إجت فكرة هالحملة اللي اقترحتها المدونة السعودية هديل الحضيف - رحمها الله - و تبناها موقع ثقافة و برنامج خواطر لنرجع هالعادة الحميدة والهواية المفيدة ولحتى نرجع " أمة إقرأ " و سميت هالحملة : " رحلة كتاب "
س: ماهي رحلة كتاب؟ ج: هي حملة لنشر الكتب في الاماكن العامة . س:كيف أشارك؟ ج: 1- اذا قرات كتاب وأعجبك حمل صورة الغلاف في المنتدى [ thakafa.net ] . 2- اكتب اسمك + التاريخ + المدينة والمكان الذي تنوي ترك الكتاب فيه على الملصق ومن ثم ضعه على غلاف الكتاب . 3- اترك الكتاب في المكان العام الذي اخترته . 4- صور الكتاب وعليه الملصق بالمكان الذي وضعت به الكتاب في داخل المنتدى . 5- اكتب تعليق عن الكتاب في داخل المنتدى [ thakafa.net ] . ملحوظة: اذا اخدت الكتاب ووجدت عليه الملصق في الغلاف وعليه البيانات ضع في آخر صفحة من الكتاب جدول عليه الاسم + التاريخ+ المكان الذي وجدت فيه الكتاب وضعه في مكان آخر . ملصق الحملة: http://thakafa.net/vb/showthread.php?p=525088#post525088 س: أين أحصل على الملصق في دمشق ؟ ج : مكتبة الخوارزمي - قرب فندق سميراميس - خلف بناء وزارة الكهرباء وطبعا في كتير من الكتب بدأت رحلتها في السعودية والإمارات وسوريا كمان وفيكون تشوفوها هون . و بتمنى شوف كتبتكم القديمة والجديدة وهي عم تبدأ رحلتها هون بسوريا ممكن تبدأ عنا بالجامعة أو بغير جامعات [ المدرجات - المكتبة - قاعات العملي - الجنينة - المقصف ... إلخ ] أو بالباصات أو بالمقاهي أو بغرف الانتظار بأي مؤسسة أو بأي مكان عام . واللي منكن رح يشارك يتذكر انو كل حدا بيستفيد من هالكتاب اللي هو بدأ برحلتو رح ياخد أجرو وثوابو وياريت ازا في كتاب رح تبدأ رحلتو بالكلية عنا أو بأي مكان تخبرونا وين مشان ننتبهلو بس نروح على هالمكان ونتحمس سوا دمتم
|
أرسل من قبل 
شايفة كل الشعب موافق ............!
