CSC-SY

أكيد من العنوان معروف شو هوي الموضوع ........ لأنو بكل محبة وبكل صدق لازم بقى أبدي رأيي بأول منتدى شاركت فيه لحد الآن على اعتبار انو هالصفة بدا تبطل تطلق عليني.
بس قبل هيك بتمنى انو هالموضوع ما يتهم انو توديعة او مكان للفت النظر و طلب التعاطف(متل ما اتهمتوا BEN ADAM) لأني من أكتر الناس اللي بيكرهوا هالاشياء هي وهيك هيك ما بظن عندي مصلحة اني الفت نظر حدا بهالوقت هيدا
الموضوع هوي اني حسيت بالفترة الأخيرة بنوع من التسلط عم بيسود الجو العام هون وطبعا للأعضاء المشرفين والمدراء دور بهالشي هيدا ، لأنو بظن المدير ما تسمى مدير ليكون مدير والمشرف ما تسمى مشرف ليكون مشرف . هيدول لازم يكون الن دور ايجابي بس عنا انعكست الآية ورجعونا الله يخليهن لأيام المدرسة الابتدائية لما كنا نتسابق لنصير عرفاء طليعة وعرفاء فرق ونطلع نسجل الاسماء عاللوح يعني مو ناقص الا يصفونا بالدور و يغنولنا عالشكوة وعالركوة...........(بتعرفوا الكمالة). بيقول زميلنا NIGHTWOLF : (هاد ما بيمنع أنو اذا شفنا رأي غلط ( مو رأي يخالف رأينا ) أنو نحذفه طبعا مخالفات القواعد مفروغ منها ) انتهى الاقتباس. لا يا معلم بدك تسمحلي فيها لانو كان لازم تحط الكلمات جوا القوس برا القوس والعكس صحيح لانو بظن الحذف عندكن عم بيكون عاللي ما بيرضيكن مو عالغلط . والدليل هوي انك نفيت الموضوع من قبل ما حدا يتهمك .صح!!!!!!!!!!!!!(آسف صديقي NIGHTWOLF بس اضطريت استشهد بقولك).أنا فعلا بالتصويت تبع برنامج الفيروسات ارتكبت مخالفة من دون ما انتبه. ويمكن بتاني موضوع حطيتوا بالمنتدى لأني كنت جديد و قالولي انو صار فيه علاك برا الطريق من دون ولا شوف تعليق واحد بعد ما كتبتوا لانو خرجت من الموقع بس بمحلات تانية لأ .غير هيك في موضوع منتدى عن السينما والافلام فيه اكتر من 370 مشاركة من بيناتن انا وما بيمت للمعلوماتية بصلة(مخالف للقانون ) ولحد الآن مانحذف ليش ؟؟؟لأنو بكل بساطة اللي طرحوا هوي المدير helwanif وشغلة انو ينحذف هالموضوع بتناقض مبدأ الخيار والفقوس ، عرفتوا ليش ما انحذف!!!!!.انا انزعجت بصراحة من موضوع قواعد المشاركة ، طبعا مو من القواعد بحد ذاتها بس من طريقة تطبيقها ومن اللي عم بيطبقوها. أكبر غلط ارتكبو المدراء الفعليين انن خلو الأعضاء يتحكموا ببعض ويصير الن نفوذ على بعض يعني متل ما قلتلكن كالابتدائي . نعم لازم يكون في حدا يضيط المشاركات و يمنع المخالفات و يحذف التعليقات اللي ما يتعجبوا بس مو الأعضاء الي بيصيروا بعد فترة مشرفين وما بعرف شو (اذا ماني فهمان الموضوع غلط) لاني لحد هاللحظة ما عرفت الآلية اللي بتشتغلوا فيها هون.الانسان لما بدو ينضبط بينضبط من ذاتو مو من قانون الموقع و قواعد المشاركة تبع ال WWW.CSC-SY.NET. مو هيك علمونا بالابتدائي؟؟؟؟؟؟ وانا من فترة وجيزة بس لحتا قرات شو هني قواعد المشاركة لاني ماني بعازتهن بس لفت نظري السطر الأخير تبع حسن النية.اول شي فكرتها نكتة وصرت اضحك بس بدي اسال يا ترى مين بحدد حسن النية و سوء النية بتعليقات الاعضاء؟؟؟باللهي حدا من عضوات المنتدى بيضرب بالرمل ولا متعاقدين مع ميشال حايك وماغي فرح ؟ يعني هادا السطر لغى كل الاسطر اللي قبله و بظن لازم تشيلوه مشان الأعضاء الجدد متل اخونا منهالي لانو هيدا شكلوا متلي وعم ياكل نصيبوا منكن هلأ. بدي طول شوي بس لازم وبدي قلن اني انا ماني طالب معلوماتية طالب طب بس بالبداية لما اشتركت حسيت انوفي جو شبابي كتير جميل هون وقررت استمر بعد ما عدلت عن المعلوماتية وانتو بترحبوا بالمهتمايين بالمعلوماتية حسب الصفحة الرئيسية بس المشكلة انو تغيرتوا بفترة قصبرة(البعض خرب عغيروا) والجو كان عدائي أحيانا وحاسس هلأ انو الجو مو جوي لذالك رح اترك.الساحة رح تكون لتعليقاتكن انا ما رح علق مرة تانية بهالموضوع هاد بس بدي شوف شو بدكن تحكوا يعني يمكن يكون في شوية عصبية بتفلج بتعليق i_ReEMوشوية مسبات بالالماني وما بعرف شو من NIGHTWOLF و شوية مسخرة عندen.karam1989 وfoaad بيقلي قواعد مشاركة بيجي I doesبيرد عليه بس لا تخافو رح يجي العقيدmpcabdويحذف الموضوع متل العادة .أو يمكن يحبوا يجاكروني وتكون تعليقاتهن لطيفة زيادة عن اللزوم . بتمنى يكون النقاش جدي منشان مصلحتنا كلنا وما حدا يضعف ويحذف الموضوع وبدون اهانات رجاء.انتو عندكن جو وموقع وعلاقات حلوة لا تخربوها بشوية ولدنة.انا متل ماأخدت شي منكن بدي اترك شيء بيخصني هون بالمدونة الاخيرة والكلمات وقتها ما بتخصكن بتخص شخص آخر من برا الموقع (منعا للالتباس).
وسلام على من يستحق.........................رضوان

على كل حال مابظن طرحك للموضوع طرح جدي, (واضح انك طرحت عدة أسماء لحتى تشوف ردة فعلهم مو أكتر) وبما انك مارح تشارك معناها مافي داعي للنقاش.
وبالنسبة للأمثلة الي طرحتها بظن كل الأعضاء بيعرفوا ليش موضوع الأفلام مابخالف قواعد المشاركة وليش آخر سطر بالقواعد موجود وشو معناه.

إلا اذا في حدا من الأعضاء شايف انو في شي نقطة مو واضحة بالنسبة الو وخرج تتناقش.

في نقطة عندي
وين المسبات بالألماني .
على فكرة الموضوع مهم كتير لأنو نص الأعضاء عندهم حساسية عالية ضد شخص أو أكتر بالموقع ... انشالله بس يصير حكي ( بنور الله ) .

New look, new work, new laptop, new room, new challenges,and many new stuff It's not my birthday it's my revolution

بس لاحظ الزلمة معبي مني تمام ... اسمي دائما بأحرف كبيرة وكلو معناها معبي مني للأخير. على كل أنا أنا خبرته أنو الموضوع انحذف واعتذرت منو ، ومع هيك فؤاد رجع الموضوع ، والهيئة أنو الزلمة ترك المنتدى عالأخير .

New look, new work, new laptop, new room, new challenges,and many new stuff It's not my birthday it's my revolution

لك ييييييييييي علينا و عالخنايق

بس بصراحة الزلمة الحق معو يعني الاحترام بين الأعضاء كتير كتير مدني

 و أكبر دليل أنو الزملة عم يحكي هلأ بشكل جدي و طلب منكون انو يكون النقاش جدي فبتفاجأ بردة فعل هالمدير يلي أخدلو حكيو مسخرة و صار يحطلو ألف ابتسامة بالتعليق و كأنو عم يستفزو للزلمة

بتعرفو ليش؟؟؟

 لأنو حطلو أسماء و هو اعتبرا كشف ردة فعل فحب يورجي أنو أعصابو باردة و الحكي ما بهمو

و بالنهاية مافيني قول غير ::::

 ""إذا المدير طلع معو هيك فلا عتب عباقي الأعضاء""

 و بذكرني بالقول الشهير :

 لقد اسمعت لو ناديت حيا ولكن لا حياة لمن تنادى

وشكراً لأنك نورتنا واذا بتحب تعدل ردك مرة تالتة وتحطلنا قول شهير

New look, new work, new laptop, new room, new challenges,and many new stuff It's not my birthday it's my revolution

أنا حبيت وضح فكرة مو أكتر لهيك مافي داعي عدلو مرة تالتة !!!

على كل حال شكرا الك انك نورتني

هلأ يا معلم RADO خدها بمنطق ال Business
طالما أنت ما عم تدفع شي بالمنتدى و ما عم تقبض شي منه فليش زعلان ؟؟!!!!

مو محرزه

بالنسبة لي أنا مالي زعلان من شي ، ليش ؟

أنا يللي بعرفهم بالمنتدى 2 أو 3 فقط على أرض الواقع ، أما الافتراضيين فقد أصبحوا كتار و أنا أعتز بهم ( حقيقة )

Fooad - Nightwolf - mpcabd - blacksigma - eng.Karam89 - Ammar_N - renwar - mr.it

و لسا في كتير بعتذر من كل من ما ذكرته

و على رأسهم المدير Foaad ، هلأ صعي كنت حس أنه في تعسف منه أول ما اشتركت ( لكن طلع هالشي مو صحيح طبعا لأنه يقدم فائدة كبيرة جدا بالنسبة للمواضيع الثقيلة برأي يللي يتنطرح بالمنتدى و يللي المنتدى أساسا يجب أن يكون معبى فيها )

المنتدى عم يأمن لي أجوبة عن أسئلة و استفسارات ما حدا بيأمنلي ياها أبدا ، و فيك تسأل السيد Foaad جزاه الله خيرا

يعني اذا كان هدفك من المنتدى أن تربح معلوماتيا فبمنطق ال Business أنا ربحان

أما اذا بدي أحسبها على المواضيع يللي فيها شك و يمكن تنحذف أو لأ ( فبرأيي كل شي مالو علاقة بالمعلوماتية يلا احذفوه من هلأ و أولها موضوعاتي )

و خلصوا من هل القصة

المشكلة هو الموضوع تعو نحكي عن ال csc وأنا لح قول تعو نحكي عن أعضاء ال csc ..
مثلا حضرتك صرلك غايب فوق ال 6 شهور - من وقت موضوع أعياد الميلاد يمكن - ورجعت من شي 3 أيام ( أهلا وسهلا فيك ) بس ليش جاية تخانق وتعطي رأيك ولسه ما شفت الوضع شو هو ؟
لو كنت تشوف أعضاء ال csc القدامى كنت شفت أنو في حوار أرقى من هيك بمختلف الموضوعات وخصوصاً التقنية وما كان في كل هالقد مشاكل !! أصلا هيك موضوع كان انحذف فوراً لأنو كان في صرامة كتير قاسية واصرار أنو يكون المنتدى مفيد بكل ما للكلمة من معنى ، حتى مواضيع التسلية متل موضوع ال music والأفلام ( يلي عم يحكي عنها RADO ).
أغلب الأعضاء الجدد هلق متعودين على المنتديات ( اذا كان فينا نقول عنها هيك ) يلي فيها جميع أنواع السخافات والترهات وجايين يفرضو علينا هالشي، معلش خلينا اقتبس من فؤاد وقول ليش لنلحق التيار اذا كان غلط خلينا نضل ضد التيار إلا ما يللتقى كم شخص لسه عاقل!

الموضوع مطروح منشان اذا حدا متضايق من شي يحكيه مو منشان الهجوم بشكل اعتباطي وطرح أفكار عمومية ( من نمط عوجااا ). فيا ريت يضل النقاش بهاد المحور.

New look, new work, new laptop, new room, new challenges,and many new stuff It's not my birthday it's my revolution

يا عيني عليك NightWolf هي كتبت اسمك متل ما هو مشان ما تقلي معبي عليك
هلأ صار في الواحديناقش ::
أولا مزبوط أنا غبت عن المنتدى من أول الصيفية
و فعلا من حوالي 3 تيام رجعت و بقلك أني حسيت أول ما فتت عالمنتدى من جديد أنو هاد منتدايي
المهم
فتت و صرت شوف الموضيع و فعلا انزعجت من الصميم لما لقيت هالمشاكل يلي في و كلا بتنم عن عدم احترام و بهادل و خنايق بين الأعضاء
أحد الشغلات يلي شفتا انو أحد الأعضاء كان كاتب موضوع منقول و نزلولك هالشباب في كأنو كفر شي كفرة و عنجد كان الشخص كتير أكابر و ما نزل لمستوى الناس يلي حكت معو هالحكي
وهلأ لما شفت هالموضوع كان كتير مهم بالنسبة الي ما بعرف إذا لغيري بنفس الأهمية لأنو فعلا من زمان كان المنتدى كتير كتير محترم خلال أول 5 تشهر كنت فيون شارك و لما الواحد كان يفوت كان في استفادة و متعة حتى كان في محبة بين الأعضاء أما هلأ فالمستوى كتير كتير نازل
أنا شخصيا بحمل المدراء المسؤولية و طبعا في جزء عالأعضاء
لقلك ليش لأنو المدراء صارو ياخدو الأعضاء كأعداء و ما يستوعبون
و على قولة أنت عم تستفزنا و ما رح نرد عليك بدل ما يفكرو بحل هالمشاكل عمليا
عرفت ليش كان ردي قاسي شوي
مو إهانة لفؤاد لا والله بس مشان هزو شوي حتى يفكر بالأعضاء و يعرف انو الشخص لو مو مزعوج ما حكا لأنو نحنا بدنا المنتدى يرتفع متل ما هو بدو هالشي
على كل حال نحنا منهز الورد لنشمو ههههههههه
بتمنى ما يكون حدا زعل بس هي هية وجهة نظري

هممم
انا مسجل من 2005-02-24 خلينا نقول من 1 آذار يعني لهلأ تقريبا 3 سنين و نص .
رقم بروفايلي هو 412 و اخر رقم لبروفايل بالموقع هو 17845
يعني بعد ما سجلت صار في 17433 عضو جديد يعني تقريبا كل يوم 14 عضو جديد.
و متل ما شفت من لما كنت بالموقع العضو الجديد بيسجل بالموقع و بيسأل مرات سؤال مرات 50 سؤال و ما بيقرأ قواعد المشاركة و بيحط مواضيع كتيرة بلا طعمة -لأنو ما بيعرف القواعد- و خلينا نقول كل واحد بيحط موضوعين بلا طعمة صار العدد 28 موضوع مخالف للقواعد باليوم .
يعني كل ساعة موضوع و شوي
يعني اذا بدنا نعتبر كل الاعضاء يلي سجلو قبلي ما حطو مواضيع بلا طعمة بيطلع العدد لليوم 35770 موضوع .
هاد غير المشاركات الخالفة.
و لسا بدك يكونو المدراء لطيفين جدا مع الاعضاء يلي ما قرأت القواعد و خالفت بمشاركاتها ؟؟؟؟؟ يمكن لو مكنة عم تعملها للعميلة بيصير بدها تزييت بعد كل موضوع .
باختصار : الموقع موجود و الو قواعد يلي بدو يشارك ضمن القواعد اهلا و سهلا و يلي ما بدو ورغم هالشي مو عاجبو و بدو يروح الله معو
كتير بكره عيد نفس الجملة انو الكل وافق على القواعد قبل ما يشترك ليش بعد ما اشترك بيبطل موافق ؟؟

Address people in the language they can understand

Actions speak louder than words

خلص يا شباب يعني المشكلة الرئيسية إنو الأخ عضو جديد و لسى مو آخد على جو الموقع و على قولة وسيم هي شمسة الأعضاء الجدد
يعني خلص حصل خير جيبولنا سندويشتين نفطر عليهن و عملولنا صلحة لإني أنا كمان متدايق من شغلة حفظ الحقوق تبع البرامج

من الأمور التي تعاب على هذا المنتدى حاليا :

وجود عدد قليل من الأعضاء الذين يقومون بطرح مواضيع تقنية عالية المستوى فمثلا :

- اختصاص الشبكات يعيش بحالة فقر مدقع في هذا المنتدى
- اختصاص الذكاء الصنعي و كأنه غير موجود مع أنه يوجد أعضاء خريجي ذكاء صنعي
- هندسة البرمجيات يعني هو الاختصاص الوحيد يللي ممكن نقول أنه فيه حياة بالمنتدى ( على مستوى مستخدمين فقط )

و أعتقد برأيي ذلك يعود الى استهتار الكثير من الأعضاء الجدد و أنا واحد منه

و ألاحظ أنه عند فتح موضوع تقني يتطلب حلول أو مناقشة لا يستقطب الا اليسير من الأعضاء

يعني أتمنى أن يقوم الأعضاء ( الخريجين ) و الذين كانوا في المنتدى أن يعودوا ليرتفع مستوى المنتدى

I wonder Mr.strontium90 why your solution is

Get out of this Site

شو عرفك انو عم يحكي بشكل جدي
أنا الي شفته من سياق كلامه انو غير جدي
1- طرح الموضوع وقال انو مارح يرد! (يعني مافي مجال للنقاش)
2- طرح عدة أسماء وصفات (مع انو يادوب صرله شهر بالموقع) لحتى يشوف شو ردة فعل كل واحد (يعني حابب يتسلى بالعالم)
3- اسلوب الحكي أقرب للمزاح من الجد.

وكمان أنا قلت اذا حدا حابب يناقش أو يكمل لأنو صاحب الموضوع قال مارح يكمل. فشلون بدي رد عليه؟ يعني بحط رأيي وخلص بكون هو الرأي الصح!