CSC-SY

السلام عليكم شباب:
ممكن انو حدا يجاوبني على هالسؤال
هلأ طالب جامعتو بتهوي (متل جامعتي يعني ) وحلبب أنو يقوي حالو شو بتنصحوا يعمل دورات
وكيف ووين
بتمنى أنو حدا يرد علي وما يخيب ظني فيكون انكم فعالين و شغالين

يعني معقولة 32 قراءة وما حدا عندو رد
وين السيد foad والسيد night woalf

والله أنا ماعملت ولا دورة بحياتي
فما عندي خبرة بهالموضوع

بس اذا بتحب بقلك شو هي الشغلاب الي لازم تقوي حالك فيها (من وجهة نظري):
1-برمجة
2-برمجة
3-برمجة
(طبعاً بما في ذلك الخوارزميات وطريقة بناء البرامج بشكل صحيح يعني هندسة برمجيات)

والله وأنا كمان ما عملت ولا دورة بحياتي
برأيي الجامعة ما بتعطيكي شي ولازم تشوفي إنت بشو بتلاقي حالك وشو المجال يي بتبدعي فيه وتحاولي تطوري حالك (سواء بالدورات أو بغيرها ) بس أما يكون هيك في دورات عامة للتقوية فما بتوقع حتلاقي اي فائدة.
طبعاً متل ما قال foaad البرمجة كتير أساسية وخصوصاً الخوارزميات وهندسة البرمجيات وهي بتميز الهاوي عن المحترف !بالتوفيق

New look, new work, new laptop, new room, new challenges,and many new stuff It's not my birthday it's my revolution

من شان كون عملي شوي معك الدورات اللي بتنعمل بالمعاهد الخاصة بشكل أساسي هنن :
تصميم و برمجة ويب
تصميم ملتيميديا
برمجة و قواعد بيانات
شبكات
برامج هندسية
فإذا كنت حابب تعمل شي دورة " من شان تقوي حالك " فلازم تحدد إنو بدك تقوي حالك بشو و لشو ؟؟؟
بعدها بصير السؤال منطقي أكتر إذا سألت فرضا
" بدي أعمل دورة شبكات فشو المنهاج اللي بتنصحوني أبلش فيه "
أو
" أنا بعرف - بلا بلا بلا - بالشبكات فشو بتصحوني أعمل دورة لحتى قوي حالي فيها أكتر "

أولاً :الله يجزيكم الخير على الرد
ثانياً:يعني مثلاًبفهم من كلامكم أنو لازم صير احضر محاضرات البرمجة بجامعة دمشق لأنو البرمجة يلي بجامعتنا بضحك قضينا برمجة1 والبرمجة2 على برنامج جمع عددين وال GCD و هالبرامج السخيفة هي ولا أخدنا التعامل مع الملفات ولا شي ولما حكيت لطلاب جامعة دمشق صارو يضحكوا
والمشكلة أنو لما عم برجع للتكب لأقرأ منها ما عم استفاد متل العالم ففي شي كتاب بالc++ ممكن يكون بفهم

مشكور أخ blacksigma هلأمثلأ البرمجة أغلب المعاهد بدرس لغات برمجة وما بتعطي برمجة برمجة ***مابعرف هاد اللي اكتشفتوا فأنتو شو رأيكم***من شان هيك أنا لح أسأل عن
1) برمجة الويب و الملتي ميديا ايون ماشي بالسوق اكتر
2)بالنسبة لدورات التصميم الهندسي يعني مثلautoCAD & 3Dmax صحي انو اذا عملتا ما باستفيد منها كتير
3)هلأ فكرة انو اذا عملت دورة متل ال ICDL أو ال AutoCAD بس ما مارستون لح تكون الدورة على الفاضي
ومشكورين كلكم مرة تانية على الرد

هلق الجامعة بتعطيك دراسة أكاديمية ما رح تاخدها بالمعاهد الخاصة لإنو أغلب المعاهد بغلب عليها الطابع التطبيقي بالتدريس .
بعتقد مافي داعي تحضر محاضرات بجامعة دمشق " إلا إذا كنت حابب تضوع وقت " إذا درست لحالك بكون أفضل .
طبعا في كتب كتيرة للـ c++ بس أكتر واحد متداول بي الطلاب هو c++ how to program و في منو نسخة معربة للدكتور صلاح الدوه جي

عفواً يا سيد black sigma ليس مين يلي قلك انو انا مو من المبتدئين ولو كني سنة تانية هي أولاً
تانيأً ممكن أعرف شو قصدك بأنو ال3D MAX مانها تصميم هندسي بنفس صف الأتوكاد
ثالثاً شو نوع الممارسة يلي لح تعطيني الخبرة يعني بشو بدي مارس حتى صير أفهم شوي لما بينحكى قدامي شي موضوع
رابعا أنا جاي على بالي اني لائي شي وظيفة بس المشكلة ما عندي شىي اعتمد علي لهيك فكرة بدورة الAutocad فشو رأيك والسلام لأنو البطارية خلصت

إنت ليش مضوعة حالك وبدك تتعلمي كل شي سوا الواحد بيبلش خطوة خطوة ( أو اثنين ) متل ما قللك BlackSigma نقي شي مجال وبلشي فيه.
اذا عم تحكي عن ال 3DMAX أو ال Autocad فممكن تأمنك وظيفة منيحة وبراتب منيح اذا صرت محترفة! بس هيك بتكوني كبيتي كل دراستك عالأرض ....
ال Autocad برنامج رسم مخططات ( معمارية - كهربائية .. ) ثنائية البعد (ما عدا حالات خاصة)
ال 3DMAX برنامج رسم مجسمات ثلاثية البعد (ممكن توصل لشوارع كاملة أو مدن ) وفي اختلاف كبير بين البرنامجين ، هي كانت نظرة سريعة طبعاً.
اذا كتير حابة تبلشي في عندك دروس الموقع شوفيهم وشوفي اذا في شي كتير عجبك وعملي فيه دورة ..

New look, new work, new laptop, new room, new challenges,and many new stuff It's not my birthday it's my revolution

أنا شوي شوي من خلال حكي العالم عن الوضع و وقت بقارن حالي وقت كنت بمعهد هندسة الكمبيوتر بلاقي أنه و الله كنا بنعمة كبيرة كتير

فتصوروا على مستولى البرمجة بالنسبة للسنة الثانية المدرس يللي كان عم يعطينا المادة برمجة 1 و برمجة 2

أعاد علينا مبادئ غرضية التوجه بال C Sharp الى أن انتهى بال Threads مرورا بال

Files - Regular Expressin - Delegates - Inheretince - etc

و كل ذلك بمستوى عالي من الشرح بالاضافة الى مواد الDatabase

و البنية و و و
طبعا كمان كان في مواد بنعطى بتعاسة