CSC-SY

ارجو المساعدة
انا طالب سوري عدلت 222
وحاب المعلوماتية
لكن المشكلة هي عندما سالت الخريجين عنها واطلعت في المنتدى وجدت انها صعبة (ليست مشكلة) وليس لها مستقبل وبافضل الاحول تكون موظف مراسلات او مندوب علاقات

وكل واحد كان يقول اذا بدك تفوت هندسة فالافضل هندسة مدنية !!!!!!!!!!!!!
ارجو الرد

يا أخي ، الهندسة المعلوماتية بدها ناس مبدعين مثلها مثل أي فرع

و أما بالنسبة للمستقبل فبدك تضع نصب عينيك أنه تحاول تكون أنت صاحب العمل ولا تكون أنت تابع

هلق المعلوماتية مالها مستقبل وبأفضل الأحوال تكون موظف مراسلات او مندوب علاقات .......!!!!!!!!!!!!
ولييييييييييي ...
والله إذا هيك انت بدك بتصير متل مبدك بس دور على غير المعلوماتية
لاء سيدي كلامك مو صحيح ماراح قلك المدني أسوأ أو أحسن من المعلوماتية هداك فرع وهدا فرع
بس هون كل واحد بيبني مستقبلو بإيدي وبيقرر شو بدو يكون هو لحالو
مو الفرع هو يلي بيخرجك لتكون موظف مراسلات ومدري شو

أنا بشوف انو بالعكس المستقبل كله للمعلوماتية في العالم كله..وإزا انت حابب تدرس معلوماتيةوفيك تمشي فما تخاف وتوكل على الله!!لإنه احنا بحاجة كتير لناس مبدعين في هالمجال عشان نقدر نلحق العالم في الثورة المعلوماتية اللي عم تصير ولسا بدها تصير اقوى كمان شوي فبلاش نضل قاعدين نتفرج ونستنا المنتجات تاعت المعلوماتية تيجي لعنا لنستهلكها متل ما عملنا في مل الثورات العلمية يللي صارت قبل..

بالنسبة للصعوبة فكل الهندسات صعبة وبدا شغل وتعب.
أما بالنسبة للمستقبل فهاد الحكي مو صحيح أبداً لأنو من كل دفعة عبتطلع من المعلوماتية في نسبة لا تقل عن 80 عبيلاقو شغل فوراً وفي منون عبيشتغلو قبل ما يخلصو حتى...
وطبعاً لا تنسى أنو البلد هلأ عبتنفتح بشكل رهيب عالمعلوماتية ومستحيل تلاقي أي شركة أياً كان مجالها ما فيها شخص على الأقل مسؤول عن حواسب الشركة ناهيك عن شركات البرمجة والشبكات...إلخ.
فإذا عندك رغبة بالمعلوماتية برأيي اتكل على الله ولا تخاف...
وبالتوفيق انشا الله...

شكرا لكل الاصدقاء -معليش اعتبركم أصدقاء-
انا من اول بدي معلوماتية بس ما بلاقي تشجيع
وشكر خاص للأخ Im فعلا كما قلت ..

وانت فتحت عيني على شغلة كتير مهمة$
انو
(مو الفرع هو يلي بيخرجك)
اعتبره توجيه من اخي الكبير شكرا..

ناقشنا شوي بهاد المجال بهدول المواضيع

http://www.csc-sy.net/node/8215
http://www.csc-sy.net/node/8214
http://www.csc-sy.net/node/8219

أنا عم اشتغل مندوب علاقات هلأ

بس صايرلي شغل موظف مراسلات هلأ .. رح انقل عليه

!!! طيب وشو بتحكيلنا عن فرعنا كمان؟ يعني نستفيد من خبرتك على اعتبار انو هي أول مرة بسمع هي الشغلات اللي عم تقولها

اذا بدك مساعدة أو نصيحة ! بتقدر تقول سمعت هيك! وليس تجي تقللنا المعلوماتية مدري شو بيطلع الخريج تبعها

هو هلق أنا تخرجت وعم دور على شي شغلة موظف مراسلات باعتبار اختصاصي ذكاء صتعي (ما بناسبني مندوب علاقات من شان ما ضارب على جماعة هندسة البرمجيات), بس المشكلة أنو حتى بهذا المجال ما في شغل

بكل بساطة، الجواب يعتمد على مستقبلك الذي ترسمه لنفسك

المدنية فيها مصاري أكثر بالمستقبل

فالمهندس المشرف أو الإستشاري في الخليج يصل لسق راتب غير محدود.
و في البلد، سوريا قادمة على نهضة لا يتخيلها احد (لا أمزح و الإستثمارات الخليجية ستغير شكل سوريا)، و كل الشركات بحاجة للمهندسين العرب لأمانتهم و لصدقهم و لقدرتهم على اتخاذ القرار.

أما المعلوماتية فيمكنك اتباعها كهواية.
و لكن، حتى مع التعليم الموازي، 222 لا أعتقد أنها تكفي للهندستين، و لكن أدعو لك بالتوفيق.

اي أنا بعد الظهر بتسلى فيها شوي بالبيت لما كون راجع من شغلي كمندوب علاقات

هو يفضل ممارستها بعد الرياضة لأنك بتكون متنشط تمام

كتب NightWolf:

Windows Sucks, Ubuntu Rocks

Going Linux

لما جمعت 230 الكل نصحني بالمعلوماتية لأنو بتلائي شغل بسبب إقبال البلد على المعلوماتية والكلية جديدة
وصدقت ودخلت بس تأكدت من هالشي بعدين
بأول محاضرة لمبادئ عمل الحاسب قال الدكتور سورية بحاجة لخريجي هندسة معلوماتية وأول دفعة تخرجت سنة 2003 يعني السنة بتتخرج الدفعة السادسة (عقبالنا) وكمان قال دخلت هندسة معلوماتية اعتبر حالك وقعت عقد عمل
بالنهاية أكيد لازم تتعب على حالك وتحاول تطور حالك

حلوة ،ملعوبة

بكرة لما تطلع على الحياة العملية ستجد وظيفة و هذا أكيد، و لكن في حال أرد العمل في القطاع الخاص، ستجد الآلاف من أمثالي من من يتسلى بالمعلوماتية ينافسك.

و لكن لن تجد أحداً ينافسك في حال أردت رسم مخططات مبنى و حساب الأحمال المؤثرة عليه، إذ يحتاج الأمر ترخيص لمن يجب أن يدرس المشروع.

و عليه العمل الخاص في الهندسات غير المعلوماتية أكبر.

ثم اسأل نقابة المهندسين عن الهندسة المعلوماتية، تجد أنها تضيف خريجي المعلوماتية على قطاع البناء كمهندسين كهرباء، و لكن هذا حل مؤقت ريثما تجد لكم حلاً.

إذاً وضع الهندسة المعلوماتية في مجال العمل الخاص أقل فرصاً من العمل في باقي مجالات الهندسة.

بس يا سيد طارق خبرة الشخص يلي أخدها على إيدين دكاترة وطلعت عيونو من الشغلات يلي اتعرف عليها واشتغل فيها أكبر بكتير ومستحيل تقارن بخبرة واحد متلك بيمارسها هواية!
فيك تقارن خبرة ولد صغير هوايتو يكتب قصص بخبرة كاتب دارس آداب وفلسفة وبيقدر يخليك تنفلج من كم كلمة بيكتبهم؟
فيك تقارن خبرة واحد هوايتو السباحة بخبرة واحد اتعلم السباحة واتدرب عليها وكانت شغلتو؟
إذا بتعتبر أنو أمثالك من الهاوين بيأثروا علينا فهالشي غلط, صحيح أنو راتب الهاوي أقل بكتير من راتب الخبير إلا أنو الهاوي شغلو مو موثوق وما في شركة بتفهم ممكن تحط عندها هاوي إذا ما كان هالهاوي عمبيدرس هالاختصاص بالجامعة.
بتعرف أنو في بياعين فلافل بيساوولك احلى موقع إنترنت وبألف ليرة وبيبوس إيدك, بس لو في شركة بدها تساوي موقع إلها هل رح تلجأ لبياع الفلافل؟ لاء رح تدور على حدا دارس هالشي ومختص فيه وحتى لو دفعت 50 ألف ليرة عالموقع بس بتكون عرفانة أنو الموقع مو مقلي بزيت قديم.

كتب NightWolf:

Windows Sucks, Ubuntu Rocks

Going Linux

ماقريت شو كاتبين الشباب

بس مستقبل المعلوماتية مو متل ما ذكرت
وفيك تراجع المواضيع تامشار إليها سابقاً

رأيي تشوف أنت وين ممكن تأبدع

لأنو بالآخير رزقتك مكتوبة
خدها أنت ومبسوط أحسن ماتاخدها أنت ومدايق

أنت بتشوف حالك عم تصمم بنايات
وتنزل على أمكنة البناء تأشرف على العملية

ولا قاعد قفا جهازك عم تبرمج

برأيي تفكر بهي الطريقة

كلام كافي وافي

يا أستاذ يظهر أنك تملك هوايات كتيرة

بنصحك انه قبل ما تحكي عن شي تعرف حالك شو عمتحكي، انت شخص على حسب قولك دارس

اعتذر لكل طلاب المعلوماتية على هذا الكلام _فقط لاجل النقاش_
اذا كان معك شهادة معلوماتية وشهادة حصلت عليها من احدى الدورات مثل دورة شبكات وتقدمت الى احدا الشركات

سيفضلون بالتاكيد شهادة الشبكات على شهادة المعلوماتية والدليل ان هناك طلاب توظفوا على شهادة الشبكات
تسطيع ان تتعلم لغة برمجة من الانترنت لكن ستظل محدود الامكانيات براي (تعلمت لغة PHP من الانترنت ولكن لم اطبق الا ما جاء في الدروس)

وبالنسبة ل_مندوب علاقات_ ما كتبتها بس لاني سمعت من حدا
ابحث بالنت _مطلوب مهندس معلوماتية_وشوف شو بطلعلك

منيح اللي اعتذرت قبل ما تحكي

كلام Tarektm صحيح.
وما عم يهاجم طلاب أو مهنة "الهندسة المعلوماتية" لحتى تاخدوا هالموقف الدفاعي!
هي حقائق, من الناحية القانونية أي شخص بيقدر يشتغل بأي مهنة ممكن يشتغلها خريج الهندسة المعلوماتية.
مشان هيك المنافسة على هالمهن أكبر من المنافسة على غير مهن.

كمان افتراض انو اذا شخص مو دارس بالجامعة رح يكون شغله حتماً أسواء أو أقل احترافية من شخص دارس بالجامعة افتراض مو صحيح.
وهالشي بينطبق على غير مهن بس في قوانين بتمنع أي واحد يشتغل طبيب أسنان مثلاً مع انو ممكن يتعلم المهنة لحاله ويكون شغله أحسن من أي خريج كلية.

والمقارنة من الناحية المادية مافي منها جدوى, ماحدا بيعرف قديش رح يطلع بالمستقبل مشان هيك الأفضل يختار الفرع الي هو حابب يشتغل فيه وبحس انو ممكن يأبدع فيه.

طيب أنا ماراح أناقشك بشيء من يلي عم بتقولو
بس الشيء يلي بدي أفهمو ... إنو بما إنك انت مو مقتنع بالمعلوماتية ومو داخلة براسك وعندك أفكار حاططها ببالك ( طبعا كلها غلط ) ليش جاي عم تسأل وعم بتناقش بالرغم من إنك مابدك تغير الإفكار يلي ببالك
أخي قلك روح فوت هندسة مدني هناك أنسبلك ..

ممكن أي شخص اذا كان مهتم أن يتعلم البرمجة و بأي لغة برمجة

لكن هل اذا تعلمت برمجة فهل بالامكان أن تقوم بعملية تحليل لنظام يطلب منك برمجته ، و انشائه

اعتقد بأن المنافسة على هذا المجال من قبل غير المختصين كبيرة في المجالات الصغيرة مثل
1- ( برمجة مواقع انترنت ) ( و ليس برمجة مواقع تعتمد النظام الموزع ) .
2- أومثل ( تركيب شبكة أو صيانتها)و ليس ( وضع مخططات احترافية لنظم شبكية )
3- ( برمجة برنامج ) ( و ليس تحليل نظام متكامل ومن ثم برمجته )

أنا كنت بمعهد هندسة الكومبيوتر قبل الانتقال الى الجامعة الافتراضية

جميع المدرسين في المعهد هم مهندسين ( الكترون , كهرباء .... )

ويوجد مهندس واحد خريج المعلوماتية ( حديث التخرج )

بالاضافة الى توجه العديد من خريجي الهندسات و الفروع الأخرى بعد التخرج الى المعلوماتية و هذا دليل على قوة هذا المجال من ناحية سوق العمل

انا برايي اذا كان كل دخولك على هاد الفرع متوقف بس على اهميتو و قيمتو و مستقبلو كفرع فما حدا حيقدر يجاوبك غير دكتور زهير صندوق

اما اذا كنت بدك الفرع عن رغبة فاكيد ما رح توقف عند هيك قصص و لا هيك كلام

و لمعلوماتك هي من ناحية التدريس افضل الكليات الحكومية الموجودة و حتى من ناحية الجو اللي فيها و انا ما بنكر انو عم نعاني فيها ممكن البعض مو الكل بس بتضل كلية حلوة

والله الحمد لله أنا بالحياة العملية حاليا

ومكاني محفوظ

اللي دارس الدراسة الأكاديمية متل ما قال عبد الله وآخد معها الخبرة العملية ما في أي حدا من جماعة الدورتين أو الشهادتين من هون وهون بيقدر ينافسو

!

وما رح طول

كلام عبد الله كافي ووافي

تع لئلك .. مين قال أنو كل الشركات بحاجة للمهندسين العرب؟؟؟!

حبيبي الاستثمارات الخليجية رح تغير شكل سوريا أكيد بس مو بالمهندسين اللي عنا (عم احكي بمجال العمران بس) لأنو ما بيعرفو غير شكل سوريا الحالي أما المهندسين الأجانب اللي رح تجيبون الشركات بيعرفو تماما كيف يساوولك برج 150 و 200 طابق بفترة بسيطة..

شو بدن هنن مهندسين يساوو بناية 9 طوابق و تعد معون سنتين و تكلف بقرة جحا!

انت ما فهتني انا حاب المعلوماتية بس مابدي اندم بالمسقبل

لا إله إلا الله 

!!

شو قصتك انت

أخي المعلوماتية فرع ما منيح بالمرة وبلا مستقبل وبتقدر تتعلمو بدورتين برا

عنجد المعلوماتية هيك

متل ما قلك Im يعني اذا انت مقتنع هيك خلص سكر عالموضوع وما في داعي للحكي

بعدين شو هي ابحث عالنت (مطلوب مهندس معلوماتية)!!! شو رأيك تبحث عن (مطلوب مهندس معلوماتية) بالشركات

بتصور انها احسن والأشخاص اللي عم يردوا عليك ومنون انا و Mpcabd و ammar_n و Nightwold كلنا عم نشتغل حالياً ونحنا طلاب (هيدون اللي بعرفون من اللي مشاركين بالموضوع) بقا لا تجي تحكي معنا كلام غير مقبول (بالأول اعتبرناه فكرة خاطئة وحطولك الشباب روابط وقلولك شو الحقيقة)

بس اانت كتير مصر على رأيك وانت حر

تصطفل ادخل اللي بدك ياه بس لا تفتح تاني مرة موضوع للنقاش اذا بدك تبقى مصر انو انت صح والبقية كلون (المجربين) غلط