CSC-SY

إذا كنتم متلي من متابعي الفن السابع متل مابيقولو فأكيد إنو كل واحد فيكم شاف فلم أو مجموعة أفلام كانت مميزة بالنسبة إلو ، كمان إذا كنتو متلي يمكن يكون إلكم "طقوس" خاصة : أنا مثلا بعد مااشتريت DVD ماعاد تفرجت على الVCD ، مابتفرج على فلم أكتر من مرة واحدة ، وايمت ماقدرت اتفرج على فيلم مابحرم حالي حتى لو كان عندي امتحان أو مافي وقت ، بنظم وقتي كيف ماكان ،
شو هوي أكتر فيلم عجبك ؟ ومين هنن أكتر الممثلين اللي بتابعهم أو بتحب تشوفلهم أفلام ؟ شو آخر فيلم حضرتوه ؟ واية فيلم جديد سمعت عنو وحابب إنك تشوفو ؟

بالنسبة إلي في أفلام كتير عجبتني ، من الممثلين اللي بحب إنتي احضرلهم أفلام Mel Gibson و anthony honpkez و jack NicklesonوTom Hanks وغيرهم كتير ، آخر فيلم شفتو كان the bourne supremacy و Finding Nemo ، هلأ عنا هون بالسينما حاطين فيلم the last samurai وكمان Collateral والفيلمين أجدد شي لTom cruise

آخر فيلم حضرتو بالكامل ما بتذكرو.. يمكن كان قبل 3-4 سنين؟
بمل بسرعة وبقوم..

بس في عندي ممثلين بفضلن على غيرن؛ Gary Oldman وSylvie Testud.

مر حبا وكل عام وانتك بخير والحمدلله على سلامة الموقع وان اجت متاخرة شوي بس معليش ان تاتِ متاخرا خير من الا تاتي ابدا
مسيو فهد انا بحب افلام شون كونري واذا بدك فيلم الروك لهلا حافظوا عن ظهر قلب وقد ما بشوفو ما بمل منو
يمكن لانو اول مرة شفتو كان عالطريق بين الشام واللاذقية
بس للصراحة والامانة قد ما شفت ورح شوف افلام متل فيلم الهاكرز ما رح يترك انطباع جيد عندي وبعتقد انك عرفت ليش ولا لأ؟؟؟!!!!!

على كتر الأفلام اللي شفتا ما عم اتذكر ........
" صمت الحملان " كان حلو كتير ....
بحب أفلام "جوليا روبيرتس " ........ و آخر آخر فلم كان "The MAJESTIC " لـ " جيم كيري " ......
بس استغربت شغلة أنك ذكرت السينما شو حاطة ........ نحن كتير قليل ما حدا يحضر سينما .... و حتى قليل ما تنحط أفلام تنحضر ؟؟؟؟؟؟

أنا حبيت فيلم Forrest Gump لـ Tom Hanks يمكن صار شفتو تقريباً سبع مرات و لهلأ كل ما كنت فاضي بشوفو. بنصح كل واحد ما حضرو أنو يحضرو لأنه عن جد فيلم رائع ( و الي بيعرف شي أفلام من نفس النوع و المستوى ياريت يخبرني )
و حبيت كمان فيلم Great Expectation و اللي مأخوذ عن رواية لـCharles Dickens .

أما الممثلين المفضلين عندي فهم:
Tom hanks
George Cloony
Nicolas Cage
Robert De Niro
Catherine zeta jones

هلأ رجعت من السينما ، كنت مع الشباب عما نحضر Collateral والفيلم حلو كتير

نحنا هون من فترة افتتحو سينما تابعة للدولة ، وصارت احط أفلام جديدة وعالمية ، بعدها بفترة قريبة فتحت سينما تابعة للقطاع الخاص وهاي كمان صارت تجيب أفلام جديدة ، بشكل عام المكانين مجهزين بشكل مقبول والافلام أحيانا عما تكون على مستوى عالي كتير ، يمكن ماكنت اتوقع إنو في هيك أعداد ممكن تروح وتحضر سينما ، بس بعد ماشفت الاعداد اللي حضرت Troy أول مانزل ، تغيرت هالفكرة عندي

بالمناسبة يا شباب و بمناسبة ذكر فيلم Troy
واحد من أصدقائي حضر فيلم Troy في سينما شهباء الشام لما انعرض عندنا بحلب
11 مرة .....!!!

أكتر فيلم حضرتو و أثر فيني (مع أنو كتير صعب أتأثر)
هوة لThe Green Mile لـ Tom Hanks
وبالنسبة لل Action أنا مع PRODRiVER
علماً إني ماني هالمتابع
وأغلب الأفلام اللي بحضرا, بعد فترة بنسى أسماءها بس بتبقى القصة
محفورة براسي

U forgot one

بالنسبة لي صار لي زمـــــــــــــــــــــــــان ما شفت أفلام

بس من حوالي الشهر نزلنا كم فيلم
على كل الأفلام الأخيرة يلي شفتها :

i-robot
Resident evil
detective conan (first movire ) - anime -
tekken - anime -

الأفلام يلي ضمن الـ ready queue وثائقية عن الكمبيوتر :
Revolution OS
The Code.Linux
مع العلم أنو هالأفلام رح تعرض في الكلية

الأفلام يلي على الـ waiting to download queue

Pirates Of Silicon Valley
The Story Of Computer Games
]Inventions That Changed The World

الأفلام يلي على الـ searching queue

* The Story of Computer Graphics
* Computer Animation Classics
* Computer Visions: A Fantastic Voyage Through the World of Computer Animation

همام يعني انت عمتعمل download للأفلام من الإنترنت ؟؟

آخر الأفلام إلي حضرتها و كانت حلوة
detective conan (first movire )
The Last Samurai
Troy

من الأفلام إلي بعتبرها رائعة فلم
Cast Away -Tom Hanks

فعلاً فيلم cast away من أروع ما مثل tom hanks

بدي أعرف رأيكم عن فيلم forrest gump إذا حدا حضره

فورست غامب ...فيلم رائع جداً و عكس ما اعملو دعاية أنو كوميدي .هوي فلم انساني حلو كتير و حزين بعض الأحيان

كتب strontium90:

Any Al Pacino fans here?
That dude's awesome. Specially when he yells..

أكيد ماحدا رح ينسى يحط Al PAcino ، يعني لو كل واحد رح يحط الاسماء كلها مارح تكفي من الكترة
آخر فليم حضرتو لAl pacino كان the insider وكان حلو كتير

اي وين المشكلة ؟
الله يخليلنا الكلية ومحلات الانترنت

شو لحق أيمن يوزع الأفلام -conan-

ايه، طلع الو شعبية هون و انا ما بعرف.

اكتر فيلم حبيتو هو Lord Of The Rings: Return of The King. هالنوع من الافلام كتير بحبو، و هالفيلم بالذات متعوب عليه بلاوي من ناحية الشخصيات و المؤثرات، و القصة حلوة كمان.

بيجوز يكون هيك بس مع ذلك كان فلم رائع ومتعوب عليه بعدين ماحدا جاب سيرة Mel Gibson .

كتب strontium90:

كتب SG:

كتب strontium90:

كتب SG:

Brave Heart

= dirty political propaganda.

بيجوز يكون هيك بس مع ذلك كان فلم رائع ومتعوب عليه بعدين ماحدا جاب سيرة Mel Gibson .

مظبوط، ما حدا جاب سيرة Mel، أنا كنت عم أحكي عن سيناريو الفيلم اللي كان فيو أكتر من "ثقب أسود".
شايفك مانك فهمان شي من الفيلم..

صحيح هلأ مالي متذكر قصة الفلم لأنو صرلي زمان شايفوا بس بذكر أنو كانت فكرتو حلوة بالرغم من وجود

ثقوب سوداء على قولتك

بس مو على اساس الثقب الأسود بالفضاء شو جابو لهون

- معظم أفلام Tom Hanks خاصة Forest Gump و The Green Mile.
- معظم أعمال المخرج Steven Spielberg.
- أفلام Antoni Hopkins خاصة Legends of the Fall
"The Lord Of The Rings" series rules -
- Julia Roberts رائعة بس أحياناً بتكرر أسلوبها

بشكل عام بحب كلشي!

أنا من محبي الأفلام ومتابع ممتاز لها
من النجوم المفضلين لدي
cean conrey
harrison ford
jodi foster
jim cary
gwienth paltro
يعني ماني متذكر الكل هلأ
بالنسبة لأنواع الأفلام اللي بحبا
بحب الرعب والتاريخي والرومانسي
بالمناسبة
أقوى فلم رعب حضرتو
هو the exorsist
فيلم عنجد مرعب
شو رأيكون في إذا حضرتوا

عنجد حمدي فيلم الروك
بيعل اد ماحلو...

بس سؤاااااااال
...اي هاكرز عم تحكي
ما تقلللي اللي حضرناه بالسنة الاولى...
لانو اكيد هيداك ما حدا بينساه ابدا .... ولللا شو رايك فهد