CSC-SY

السلام عليكم ورحمة الله

اليوم سأطرح درس عن طريقة تصميم سيارة باستخدام ال Lowpoly
السيارة التي سيتم تصميمها audi-rs6-2002

رابط تحميل الدرس

http://files-upload.com/files/445841/Lesson00.rar

ارجو الاستفادة..

شكراً كتير والله الدرس ظريف ....
ومتعوب عليه
شكراً كتير إلك ..

شكرا ً عمي M-Ray-Y انشاء الله منخدمك بالأفراح.

My mobile was stolen, if you gave me your number after 1/4/2008 send it to me again

الله يعطيك العافية يامن M-RAY-Y
والله شي حلو............

مشكورين شباب كتير على الرد.

ورجاء اذا حدا عندو اي سؤال او استفسار عن الدرس فياريت يخبرني وبحاول ساعدوا باذن الله..

وهي شباب نفس الدرس بس على غير Mirror :

http://www.archive.org/download/3dmaxTutorial/Lesson01.rar

ملاحظة: 

 الملف المضغوط يحوي على ملف الدرس + ملف المشروع النهائي + بعض الصور عن السيارة المراد تصميمها

مشان هيك حجم الملف كبير شوي 4 MB 

الله بيعين على تنزيله

شكرا عمي M-RAY-Y

يسلمو كتير يامن ...والله يعطيك ألف عافية

كتب Dr.Siko:

الله بيعين على تنزيله

شكرا عمي M-RAY-Y

شو بدنا نساوي , بدك تتحملنا

الله يعطيك العافية أخي يامن

بعد قراء الدرس بشكل كامل عرفت أعمل السيارة
بس ما عرفت اشتغل على ال 3ds لأنو طبقت تعليمات ال EDGE ,Champer

يا ريت هيك بس شوية توضيحات للبرنامج بعد إذنك ؟

بسيطة اخي NightWolf
الاخ كرم عم ينزل محاضرات للمستوى المبتدئ,
بركي انشاء الله بيصير بينزل محاضرة عن اوامر ال EditPoly

إنشالله بس نوصل للـ Editpoly رح ندعمك عمي Nightwolf
بس لساتنا بالأول هلأ يعني لسا بدنا شي ست سبع دروس لنوصل

اي على راسي الشباب والله منتظرين

متل ما قال عبد الله بنخدمك بالأفراح

thnxxxxxxxxxxxxxxxxxxxxx

شكرا كتير عالدرس انا طبقتو كلو وصارت معي ال Audi A6 بشكل قريب لتصميمك بنسبة 90% بس بتوقع انو ال 10% البقيانة ماطلعت معي لانو وقت ضيف ال blueprints على ال planes عم يكونوا مو واضحين ابدا=> ماوضحت معي التفاصيل الدقيقة!
انا عم استخدم 3dmax 7، بس حابب اسأل كيف بدي وضح صور ال blueprints ؟؟؟؟ لانو كتير طالعة مشوهة!!
وشكرا مرة تانية

صراحة انا على التجربة لقيت انو اغلب المشكلة من كرت الشاشة
بس على كل حال اتبع الخطوات التالية بركي انشاء الله بتنحل المشكلة:
من قائمة Customize اختار Preferences بعدين من التبويب ViewPorts بتلاقي بالاسفل Display Drivers اضغاط على Choose Driver واتاكد من اختيار DirectX 9.0 وبعدين من Direct3D Device اختار Software , بس ملاحظة انو عند اختيار هذا الامر بيصير الاعتماد على التصميم بناء على ال Software يعني رح يصير الاداء ابطأ

بعد اختيار هذا الامر اضغاط موافق وبيطالبك باعادة تشغيل البرنامج..

كرت الشاشة تبعي ATI 1400 يعني لابأس فيه!
عملت يلي قلتلي عليه ، الصورة ضلت متل ماهية بس صار الشغل كتيييييير بطيء!

خلص دبرت حالي وعم اعمل سيارة تانية ال blueprints تبعا اوضح بس واجهتني مشكلة انو عملت نسخ للهيكل تبع السيارة يعني صار عندي هيكليين بعاد عن بعض حوالي 5 بكسل (اذا كانت الابعاد بالبكسل)
بقا كيف فيني اعمل حذف للهكل الجديد مع انو مافي Ctrl+Z
لانو كل نقطة صارت مضاعفة وفايت بالحيط ووشغلي انتزع وواقف!
مع العلم انو الهيكل الجديد ماكان ضمن element جديد ، ضل بال element تبع الهيكل الاساسي (يعني الهيكلين ب One Element ! )