CSC - SY

الله يعطيك العافية ويقويك على فعل الخير

ياسيدي شغل مرتب

يلا دوري بعدك رح ساوي دروس جافا بس هيك يصير معي وقت ان شاء الله

بانتظار الدرس الأول

Thanks alot mpcabd
really useful
I`ll save all your lessons to study them in a convenient time

انشاء الله كون عند حسن ظنكم, بدي بس حدا يساعدني بالتدقيق الإملائي, في واحد/وحدة فاضي/فاضية منشان التدقيق الإملائي, لأنو أنا بعد ما خلص كتابة ما بحسن دقق لأنو أكيد ما رح أنتبه لكل شي.
فيلي حابب / حابة إيميلي معكم ابعتولي عالإيميل ولا تردو هون منشان ما تضيع الطاسة.

Good one, U r realy an active guy

Bravo MR.Abd

U R Briliant

الآنسة Ray استلمت التدقيق والدرس الأول بكرا انشاء الله.

لا تواخذوني ما قدرت نزل الدرس مبارح (كنا بحفلة تخرج القبطان M-Ramy), لذلك رح نزلو انشاء الله اليوم.

I'm still waiting

اتفضلو القسم الأول من الدرس الأول:

Main Concepts in ASP.NET 2.0 (PDF) (137 KB)

وأنا بوافق فكرة ridaa78 أنو الدرس ينزل بأسبوعين منشان يكون أركز.

يعطيك العافية عبد الله..

إن شاء الله من المتابعين..

ويسلم إيديكي Ray على التدقيق الإملائي

الله يسلمك razan أهلا وسهلا

Finally :
Thank you I'll finally start with it
Thanks again

الله يعطيك العافية عبوده وعقبال الباقي إن شاءالله

شكراً و بإنتظار المزيد ...

يعطيك العافيه وشكرا كتير

شكراً كتير عبد الله.....

اتفضلو القسم الثاني من الدرس الأول:

ASP.NET and The Story Continues (PDF) (133 KB)

بالنسبة لهالدرس (الدرس الأول بشكل كامل), كان كلو حديث عن ASP.NET والتقنية المستخدمة فيها, وكيفية عملها وتنظيمها, والفروق بينها وبين باقي التقنيات. أغلبكم ما بيطيق هالحكي وبيقول "وين التطبيق العملي؟ إيمتى بدي أكتب كود؟", والجواب هو أنو معرفة هالأمور رح بتفيد الواحد يعرف ليش عمبيدرس هالمادة, وكيفية تطبيقها وشو بيستفيد منها وشو الفرق بينها وبين غيرها, وبالنسبة للكود فأنا بقول أنو ما رح نكتب كود بإيدنا إلا بعد انتهاء الدرس الثاني, والسبب أنو أغلب يلي رح يدرسو المادة ما بيعرفو Visual Studio 2005 ولا بيعرفو واجهاتو, ولذلك الدرس القادم (الدرس الثاني) رح يكون شرح عن بيئة Microsoft Visual Studio 2005, وبعدها بيكون باستطاعة الكل يبلش يشتغل ويكتشف لحالو.
وعلى قولة M-Ray-Y وقت سألني اليوم عن هالطريقة أنو هي الطريقة الأكاديمية, وأنا ما عمبكتب الدروس إلا بالطريقة يلي اتعلمت فيها وهي الطريقة المتبعة بشكل شامل تقريبا ً بالتدريس.
عذرا ً طولت عليكم بس حبيت وضح وجهة نظري, ويلي بيحب يضيف شي يتفضل على عيني وراسي.

اتفضلو القسم الأول من الدرس الثاني:

Visual Studio 2005 IDE (PDF) (979 KB)

بهالدرس حطيت مقدمة عن Visual Studio 2005 وميزاتو وواجهاتو, ومع شرح عنها بشكل بسيط, وكمان حطيت أول مشروع Hello World.
الوظيفة عندكم هلأ كل واحد يساوي صفحة آلة حاسبة بسيطة متل هي .
ويلي بيحب منتناقش هون عن هالصفحة البسيطة.

شكرا كتير استاذ عبد الله
والله يقويك

شكرا كتير ع الدرس و كان كتير مألوف بالنسبة الي بحكم اني بعرف فجوال بيسك ..

بدي أسال انو بوضعنا بال ASP.NET رح نستغني عن method = get or post ؟ وبكون runat = server بديل عنها ؟!

بانتظار مزيد من الشرح عن runat ...

شايفة كل شي بيكتبنا ياه Microsoft Visual Studio 2005

Thank you mpcabd
Good Job

القسم الثاني من الدرس الثاني:

Visual Studio 2005 IDE In Depth. (PDF) (238 KB)

لا أبدا ً بالعكس نحنا رح نضل نستخدمهم بس صار استخدامهم أسهل, وهالشي مالو علاقة بـ runat = server, لأنو هي التعليمة رح تخللي الـ Compiler ينفذ الأداة على المخدم وليس عند الزبون, إلها شرح تفصيلي كتير لاحقا ً.

أولاً:
اريد أن أشكر عبد الله على جهوده المتميزة متمنياً له التوفيق.
ثانياً:
بالنسبة للمادة العلمية الموجودة ضمن الدروس فهي مترابطة ومتكاملة متمنياً أن يكلل هذا العمل بالنجاح.
ثالثاً:
الرابط التالي يتضمن دروس فيديو مجانية كمصدر دعم إضافي لهذا العمل ولمن يحب الاستزادة:

http://www.asp.net/learn/videos

أخيراً:
أتمنى أن يكون هذا العمل حافزاً لي ولبقية الأعضاء لإنجاز أعمال أخرى تغني الموقع وتحقق الفائدة لنا ولكم.

الله يعطيك العافية عبد
أول الشي بصراحة داق خلقي من شي اسمو نظري ...

بس هلق متابع معك بشغف ..الله يعطيك العافية

والله بالنسبة للنظري الحق معك بيملل, بس وجهة نظري من هالموضوع أنو المعلومات يلي حطيتها, بجوز تكون مو جديدة عالبعض, ولكن في كتير بجوز ما بيعرفوها, وكمان وقت بخلص من هالكم معلومة هلأ بيريحوني بالشرح بعدين بما أنو رح أعتبرهم صارو معروفين, وبالتالي بيصير طريقة الشرح أفضل, ومدى الاستيعاب أكبر.
أما هلأ بعتقد أنو صار الشغل عملي أكتر.
بتمنى تكون الدروس مفيدة.

الله يسلم ايديك اخ عبد انا متابعة معك
بس اعترضتني مشكلة عند ما اضفط ctrl+F5
لتنفيذ برنامج Hellow World مثلا
عم تطلع الايقونة تبع تشغيل المخدم تحت
بس الصفحة عم تطلع كالتالي

The page cannot be displayed
There is a problem with the page you are trying to reach and it cannot be displayed.

--------------------------------------------------------------------------------

Please try the following:

Click the Refresh button, or try again later.

Open the localhost:1236 home page, and then look for links to the information you want.
If you believe you should be able to view this directory or page, please contact the Web site administrator by using the e-mail address or phone number listed on the localhost:1236 home page.
10061 - Connection refused
Internet Security and Acceleration Server

فوين المشكلة

ولا تزعل هي زبونة جديدة suzan ... عم نسنتنى الدرس الجديد

بظن مشكلتلك بالسيرفر iis مالو شغال عندك
انا نزلت Microsoft Visual Web Developer 2005 Express Edition
واشتغل بدون ما نزل (فعله من add remove programs )لانه هيضرب الاباتشي عندي

بترك الاجابة للاستاذ عبد الله

نزلت IIS ومامشي الحال

يسلمو ايديك اخ عبد الله فعلا دروس رائعة ما شاء الله و اسلوبك كتير
حلو
نحن متابعين معك و يا ريت تستمر لنهاية الدورة و جعلها الله في ميزان حسناتك

والله المشكلة أنو برمضان صرنا ما عمنلحق نعمل شي, بس انشاء الله بحاول ينزل هاد التنين درس.
أما بالنسبة لمشكلتك suzan:
استعمال ASP .NET 2.0 على Visual Studio 2005 ما بدو IIS.
المشكلة هي والله مو مارقة علي من قبل, بس حسب ما فهمت من همام أنو بتكون مشكلة بالمخدم, وبما أنو مخدم Visual Studio 2005 منو وفيه, فجربي ترجعي تنزليه وتعمليلو Repair وخصوصي Microsoft Web Developer.
إذا ما ظبط ارجعي خبرينا.

لا تواخذوني عالتأخير.
الدرس الثالث القسم الأول:

Web Forms in ASP .NET 2.0 (PDF) (140 KB).

انشاء الله باقيلنا الـ Page Processing ومنكون خلصنا نظري مبدئيا ً ومنبلش بالشغل العملي.

بسيطة المهم وصل الدرس بالاخير ,, انا اطلعت عليه ع السريع فيو AJAX شي كتير ظريف ,,,, ان شا الله رح ادرسه ع رواق

شكرا كتير

منشان الله لا تواخذوني عالتأخير, وهي بمناسبة العيد الدرس النظري الأخير:

Page Processing In ASP .NET 2.0 And System.Web.UI.Page At a Glance. (PDF) (189 KB)

وكل عام وأنتو بخير.

وانت بخير
أخيرا خلصنا نظري

احسنت بارك الله فيك
عندي سؤال عندما اختار add new item في new web site
يظهر مربع اخيار من ضمن الاختيارات SQL database
عندما اختارها تظهر رسالة
connections to sql server file(*.mdf) require SQL express 2005 to function properly . please verify the installation of the component or download from th URL :
http://go.microsoft.com/fwlink/?linkId=49251
ارجو المساعدة

المفروض أنك تكون منزل SQL Server 2005 Express.
الـ SQL Server 2005 Express بيجي مع الـ DVD تبع الـ Visual Studio 2005, وفيك تنزلو من النت.

شكرا كتير على الدروس بس في قسمين ماعم يتحملوا لعندي عم يعطيني bad request file not found لذلك ارجو المساعدة او النصيحة

ممكن تحبريني أي قسمين وبحل القصة مباشرة انشاء الله.

تم تحديث جميع الروابط لتعمل بشكل جيد.
ويمكنكم دائما ً مشاهدة مجلد الملفات على:
ASP .NET 2.0 Lessons on FileFront/mpcabd
ASP .NET 2.0 Lessons on SkyDrive

انتظروا قريبا ً الدرس الرابع.

بعد طول انتظار الدرس الرابع:

السلام عليكم ورحمة الله

الله يعطيك العافية

هل من الممكن أن تقدم لنا دروس في ال Web Service

طولي بالك شوي, الـ Web Service شغلة لحالها, بس رح نمر عليها مرور بسيط إن شاء الله قريبا ً.
شكرا ً لمرورك عالدروس

شكرا كتير الدروس كتير حلوة ومسرودة بشكل حلو بس المشكلة ماكتير عم نعرف بحكم انو مو كتير بالفيجول بيسك او السي شار ياريت شي حدا بيعرف ببيئة net. ينزل دروس عن visual basic.net أو c#.net وبيكون فاد كتير وشكرا على الدروس مرة كمان

ان شاء الله سوف أقوم بتنزيل دروس عن السي شارب

بس على شكل دروس متتالية مع تطبيقات عملية إذا ممكن

تكرم عينك ان شاء الله عن قريب